"මටත් තිබුනා පොතක්
මම එහි කඳුලින්ම කටු ගෑ කලක්..
මටත් තිබුනා කවක්
ඒ පද කඳුලින්ම බොඳ වූ දිනක්..
මටත් තිබුනා හිතක්
පෙර දවස ඉරි තැලූ හැඩක්..
ඔව් මටත් තිබුනා නෙතක්
ලොවටම හොරෙන් හැඬු දිනක්..
මටත් තිබුනා පෙමක්
හරි සීරුවට ලියු සිත්කවක්..
මටත් තිබුනා ලොවක්
දහසක් නෙතින් වැසි කලක්..
මටත් විය සිහිනයක්
හිස ඔටුනු පලඳින හෙටක්..
ජීවිතය කටු ගොඩක්
මම එමත දලු ලෑ මලක්.. 🌼
සිහින කටුමල් ගොඩක්
එක සීරුවට රිද්දපු කලක්..
විෂම කටුතුඩු අගක්
ඉඳ හිට රිදුම් රිද්දන වගක්..
මටත් තිබුනා දිනක්
එක පෙලට ගිනි ලූ ලොවක්..
ඒ අලු මතින් පිපි සිතක්
ඕ කර්කෂම කටු මලක්... 🌵
#මානි
Wow !!
ReplyDelete😊
Delete