කවිකාර වැස්සකට!! ⛈

එකම එක වස්සාන සමයක
නිහඬ නිසලව ගෙවුණු සවසක
මගෙන් මා ගෙන දුර අතීතෙක
ඇදුණු නුඹ අද කොහේ කොතනද...

ආයේ ආයෙම වැටෙන වැස්සක
තුරල් වුනු නිල් අහස් පතුලක
සැඟව නිහඬව ගැලුව කඳුලක
වෙනස කිම වැහි කඳුලු බිඳාකද..

විටෙක මතකද විටෙක සුසුමක
තෙතම බරිතව ආ වලාවක
පහස විඳගෙන හඬන පොලොවද
දරනු බැරි පෙම් කලා වැස්සට..

වැස්ස නුඹ වුනු එක් කලාවක
බරිත විය පෙම් රස ගුලාවක
නිහඬ වැස්සක ගෙවෙන සවසක
බොඳ වුනා තුරු අකල් වැස්සක.. !!! 

_මානි_ ✒️