සරුංගල්

ඈත ගුවනත සරන සැරිසර
සිහින් සුලඟට පාව නැලවෙන
සරුංගල් මද සුලඟේ නැටවෙන
සිහින් රැහැනින් බැඳී පොලොවට...

කුණාටුව සේ හමන   සුලඟට
එහෙත්  දැඩිවම රැදුණු  අතකට
පොර බදා හති වැටුණු විගසට
නූල   බිඳුණා   සුලං සරයට...

කැරකී කැරකී කුණාටුව තුල
සරුංගල් ඇදුනාද අහසට
ඉහල නිහඬම වලා ගැබ් මැද
සැනසුමෙන් පිරි තලාවක් ඇත..

රැහැනකින් බැඳි  සිහින්  රිදුමට
බිඳී  ගිය    සර සුලං පහරට
අයාලේ  යන  සරුංගල්  වුව..
නිහඬ  සැනසුම් සුව විඳිනු ඇත.. "

_මානි_