"ලියන ලියවෙන අකුරු පද වල
සුරඟනන් සත් සර හොවා..
නැගෙන කිංකිණි අනු නාද වල
මියුරු පෙම්බර නද කවා..
සිහින් සුලඟට මුසු තාල වල
මදහසට ඇරයුම් දොවා..
දුරුතු සීතල කවි බැඳුම් වල
එව්වාද පැතුමන් පොවා.. ☺️
ඈත කඳුවල තුරු මුදුන් හා
කොඳුරමින් ලිය වූ කතා..
ඒ නුවර මේ නුවර යා වූ
පෙම් පුවත් පබඳිනු පතා..
ගිරි මුදුන් තුරු වැල් මඩුලු හා
ගොත ගොතා නොකියූ කතා..
සිහින් ස්වර මාලා වලින් ඈ
නිදහසේ පබඳින ලතා.. ✒️
නීල ගැබ නිල් වලාවන් බැඳි
රැස් කිරණ හා ලංවෙලා..
වස්සාන සීතලෙන් ඉකි බිඳි
අතීතෙට අඳුරක් නෙලා..
පීත ලෝහිත අඳුන් සිත් ඇඳි
රූ රටාවට පණ පොලා...
හැඩ දමා කව්පද බඳී සැදි
සවනකට ඈ රස ගලා.." 💐
#මානි
ලස්සනයි. ගීත පදමාලාවක් වගේ.
ReplyDelete