"ඩිංග ඩිංග අඩි තිය තිය
බිංදු බිංදු පොද වැස්සට
දුවල ගිහින් තෙමිල එන්න
මටත් හිතෙනවා...
සඳ වටකර නිල් අහසට
එලිය බෙදන මිනි තරුකැට
වලාකුලක ඉගිල ගිහින්
ගන්න හිතෙනවා...
සුවඳ සරන රෝස කැකුලු
වටකර නටනා බඹරුන්
සමනල පැංචෙක් අල්ලන්
එන්න හිතෙනවා...
කිචිබිචි නාදෙන් හඬදෙන
බටිති මලිති කුරුලු එක්ක..
තටු විහිදා වලාකුලක
යන්න හිතෙනවා ....
පුංචි හීන පොදි බැදගෙන
මං ලොකූ වුනු හෙට දවසක
හැම හීනෙම එකක් ගානෙ
දිනා ගන්නවා...
ලොව වටකර සිනාසෙන්න
මුලු ලෝකෙට එලිය දෙන්න..
ගුණදම් පිරි හොඳ ළමයෙක්
වෙන්න පතනවා... " :)
#Maani's World
#ගෙවී_ගිය_ආදරණීය_බාලවියට❤
No comments:
Post a Comment